មនុស្សស្លាប់១៤នាក់ និងរបួសជិត៨០នាក់ក្នុងគ្រោះថ្នាក់ឡានដឹកកម្មករនៅកំពង់ឆ្នាំងនិងស្វាយរៀង

តម្លៃសាំងឡើងថ្លៃដល់ជាង៥០០០រៀលក្នុងមួយលីត្រ ហាក់ដូចជាខ្សែទាញទម្លាក់ចំណូលអ្នកប្រកបរបរដឹកម្ហូបអាហារឱ្យធ្លាក់ចុះប្រមាណជិតពាក់កណ្ដាល។ អ្នកធ្វើការផ្នែកដឹកជញ្ជូនអាហារប្រាប់ថា ពួកគាត់ត្រូវចំណាយលើថ្លៃសាំងច្រើនជាងមុន និងត្រូវបង្ខំចិត្តធ្វើការលើសម៉ោងផង ដើម្បីរកចំណូលផ្គត់ផ្គង់ជីវភាព។

អ្នកប្រកបរបររត់កង់បីកំពុងត្អូញត្អែរពីការហក់ឡើងខ្លាំងនៃតម្លៃហ្គាសដែលមិនធ្លាប់មាននៅមួយរយៈចុងក្រោយនេះ ដោយហក់ឡើងជាបន្តបន្ទាប់ពីតម្លៃ១៩០០រៀលក្នុងមួយលីត្រ ទៅតម្លៃ២៦០០រៀលក្នុងមួួយលីត្រ។ ការត្អូញត្អែរនេះធ្វើឡើង ក្រោយតម្លៃហ្គាសបានហក់ឡើងបន្ថែមចំនួន៧០០រៀលក្នុងមួយលីត្រ ប៉ុន្តែក្រុមហ៊ុនដឹកជញ្ជូនដែលពួកគាត់ប្រើប្រាស់ជាច្រើនមិនទាន់បានដំឡើងតម្លៃឱ្យពួកគាត់នៅឡើយ។

សូមអញ្ជើញលោកអ្នកស្ដាប់កង្វល់របស់កម្មករនិយោជិតវិស័យនានា តាមរយៈសេចក្ដីរាយការណ៍ ដោយ លោក ប៉ា តុងចិន។

ជម្លោះនៅមជ្ឃិមបូព៌ាដែលកងទ័ពសហរដ្ឋអាមេរិក និងអ៊ីស្រាអែល បានបើកការវាយប្រហារតាមផ្លូវអាកាសលើអ៊ឺរង់ នៅថ្ងៃទី២៨ ខែកុម្ភៈ ឆ្នាំ២០២៦ បានជះឥទ្ធិពលយ៉ាងធ្ងន់ធ្ងរដល់វិស័យអាកាសចរនៅជុំវិញពិភពលោក។ ក្នុងនោះចំនួនជើងហោះហើរមកកាន់កម្ពុជាក៏រងផលប៉ះពាល់ដោយជើងហោះហើរខ្លះត្រូវបានផ្អាក ឬលុបចោលហើយកត្តានេះធ្វើឲ្យចំនួនភ្ញៀវទេសចរណ៍ដែលធ្វើដំណើរមកកម្ពុជាក៏បានធ្លាក់ចុះដែរ។ ការណ៍នេះ ធ្វើឲ្យអ្នកធ្វើការក្នុងសេដ្ឋកិច្ចក្រៅប្រព័ន្ធក្នុងវិស័យទេសចរណ៍បាត់បង់ចំណូល។

កម្ពុជាជាប្រទេសមួយដែលប្រលូកប្រលាក់កេរ្តិ៍ឈ្មោះមិនល្អ ដោយសារក្រុមឆបោកអនឡាញដែលដឹកនាំដោយជនបរទេសយកកម្ពុជាជាទីតាំងដើម្បីបោកប្រាស់អនឡាញ។ ហេតុនេះហើយទើបមានមតិមួយចំនួនលើកឡើងថា អ្នកចាញ់បោកក្រុមឧក្រិដ្ឋជនអនឡាញ ជាជនបរទេសប៉ុណ្ណោះ។ ប៉ុន្តែរឿងមួយដែលគេមិនសូវចាប់អារម្មណ៍នោះគឺ មានពលរដ្ឋខ្មែរមិនតិចទេ ដែលរងគ្រោះដោយសារការឆបោកតាមអនឡាញ។​ទម្រង់ឆបោកលុយនេះមានលក្ខណៈជាប្រព័ន្ធ ដោយបង្កឡើងពីក្រុមជនឆបោកជាពលរដ្ឋខ្មែរ ដែលបានបោកលុយជនរងគ្រោះជាខ្មែរដូចគ្នា ក្នុងទំហំទឹកប្រាក់មិនតិចឡើយបើធៀបនឹងចំណូលរបស់រាស្ត្រខ្មែរ។

នាយកប្រតិបត្តិសមាគមសម្ព័ន្ធអ្នកសារព័ត៌មានកម្ពុជា(ខេមបូចា) លោក ណុប វី បានបង្ហាញពីក្តីបារម្ភខ្លាំងជុំវិញលំហសេរីភាពសារព័ត៌មាននៅកម្ពុជា ដោយសារមានការចាប់ខ្លួនអ្នកសារព័ត៌មានជាបន្តបន្ទាប់នៅដើមឆ្នាំ២០២៦។ បើតាមការកត់ត្រា លោកថាក្នុងខែកុម្ភៈ ឆ្នាំ២០២៦ មានអ្នកសារព័ត៌មានចំនួន ៦នាក់ត្រូវចាប់ខ្លួន ក្រោយចុះផ្សាយពីបញ្ហាការឆបោកតាមប្រព័ន្ធ​អនឡាញ និងជម្លោះព្រំដេនកម្ពុជា-ថៃ។ មិនតែប៉ុណ្ណោះ លោកថាអ្នកសារព័ត៌មាន​២​នាក់​​ត្រូវបានកាត់ទោសឱ្យជាប់ពន្ធនាគាររយៈពេល១៤ឆ្នាំ។…

វិចិត្រករមួយចំនួនស្ម័គ្រចិត្តគូរគំនូរឆ្លុះបញ្ចាំងពីការឈ្លានពានរបស់ថៃ ដែលបានសម្លាប់ជីវិតពលរដ្ឋខ្មែរ បំផ្លាញផ្ទះសម្បែងទ្រព្យសម្បត្តិ បង្ខំឱ្យពលរដ្ឋរាប់ម៉ឺននាក់រត់ចោលផ្ទះសម្បែង បន្សល់នូវទុក្ខលំបាកជាច្រើនចំពោះប្រជាពលរដ្ឋខ្មែរ។ មិនតែប៉ុណ្ណោះហេដ្ឋារចនាសម្ព័ន្ធជាច្រើនទៀតរបស់កម្ពុជាក៏ត្រូវរងការបំផ្លិចបំផ្លាញ។ វិចិត្រករបានគូរ គំនូរបែបវិចិត្រកម្មនៅមុខវត្តបទុមវត្តី ក្នុងរាជធានីភ្នំពេញ ដែលបានចាប់ផ្តើមកាលពីថ្ងៃទី២០ ខែកុម្ភៈឆ្នាំ២០២៦តទៅ៕

រដ្ឋាភិបាលនឹងសង់ផ្ទះប្រមាណ៣០០០ខ្នងដើម្បីផ្ដល់ជូនពលរដ្ឋដែលថៃព័ន្ធយកផ្ទះសម្បែង និងអ្នកដែលរងផលប៉ះពាល់ធ្ងន់ធ្ងរ ដោយសារជម្លោះព្រំដែន។ អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ លោក សុទ្ធ គឹមកុលមុនី បានឱ្យដឹងថារដ្ឋាភិបាលតាមរយៈគ្រប់គ្រងគ្រោះមហន្តរាយកំពុងដំណើរការសាងសង់ផ្ទះបណ្តោះអាសន្នសរុបប្រមាណ៣០០០ខ្នងជូនពលរដ្ឋដែលរងផលប៉ះពាល់ធ្ងន់ធ្ងរ ។លោកថា គិតត្រឹមពាក់កណ្តាលខែកុម្ភៈ ឆ្នាំ២០២៦ គណៈកម្មការគ្រប់គ្រងគ្រោះមហន្តរាយបានបើកការដំណើរការសាងសង់ក្នុងខេត្តចំនួន២ គឺខេត្តបន្ទាយមានជ័យ និងខេត្តឧត្តរមានជ័យ៕

ប្រមុខរាជរដ្ឋាភិបាលបានប្រកាសចាត់វិធានការ បោសសម្អាតបទល្មើសឆបោកតាមអនឡាញឱ្យអស់ត្រឹមខែមេសាឆ្នាំ២០២៦។ នាយកគ្រប់គ្រងអង្គការលីកាដូ លោក អំ សំអាត លើកទឹកចិត្តឱ្យអាជ្ញាធរធ្វើកិច្ចការទាំងអស់នេះឱ្យមានប្រសិទ្ធិភាព ដើម្បីធានាថា ប្រទេសកម្ពុជានឹងក្លាយជាប្រទេសស្អាតស្អំឡើងវិញ។

ប្រជាពលរដ្ឋត្អូញត្អែរថា មួយរយៈពេលចុងក្រោយនេះ សត្វមូសបានកើតច្រើនខ្លាំងនៅក្នុងភូមិសាស្ត្ររាជធានីភ្នំពេញ។ តំបន់ដែលមូសអុកឡុកជីវភាពរស់នៅរបស់ពលរដ្ឋ រួមមានតំបន់មានប្រឡាយទឹក និងជិតកន្លែងគរសំរាមជាដើម។ នៅទីតាំងខ្លះចាប់ពីម៉ោង៥ល្ងាចតទៅ ពលរដ្ឋអះអាងថា ពួកគាត់ស្ទើតែមិនអាចអង្គុយមុខផ្ទះ ឬនៅក្នុងផ្ទះដោយមិនដាក់មុងបាននោះទេ។ ការណ៍នេះធ្វើឱ្យពលរដ្ឋបារម្ភខ្លាំងពីការផ្ទុះឡើងនៃជំងឺគ្រុនឈាម ជាពិសេសសុខភាពកុមារតូចៗ ។