កម្ពុជាបានផ្ញើលិខិតជូនដំណឹងជាផ្លូវការទៅកាន់ភាគីថៃ និងអគ្គលេខាធិការអង្គការសហ-ប្រជាជាតិ ដើម្បីចាប់ផ្តើមដំណើរការនៃយន្តការផ្សះផ្សាដោយបង្ខំ ក្រោមអនុសញ្ញាអង្គការសហប្រជា-ជាតិស្តីពីនីតិសមុទ្រ (UNCLOS) នៅថ្ងៃអង្គារទី ២ ខែមិថុនា ឆ្នាំ២០២៦ នេះ។នេះបើតាមវីដេអូដែលលោកហ៊ុន ម៉ាណែតថ្លែងជាសាធារណៈនៅថ្ងៃនេះ! សូមលោកអ្នករង់ចាំតាមដានព័ត៌មានពិស្តារពីប្រជាកាសែត ជុំវិញបញ្ហានេះនៅពេលបន្ទាប់!
អានអត្ថបទផ្សេងទៀតអំពី សង្គម
សង្គម","field":"name"}],"number":1,"meta_query":[[]],"paged":1,"original_offset":0,"object_ids":2773}" data-page="1" data-max-pages="1" data-start="1" data-end="1">
ACUប្រកាស បន្តស៊ើបអង្កេតករណីបែកធ្លាយវិញ្ញាសាបាក់ឌុប
អង្គភាពប្រឆាំងអំពើពុករលួយប្រកាសស៊ើបអង្កេតបន្តករណីបែកធ្លាយវិញ្ញាសាប្រឡងសញ្ញាប័ត្រមធ្យមសិក្សាទុតិយភូមិឬបាក់ឌុប។ អង្គភាពប្រឆាំងអំពើពុករលួយ(ACU)បញ្ជាក់ថា រូបថតវិញ្ញាសាប្រឡងបាក់ឌុបមុខវិជ្ជាគណិតវិទ្យា ដែលត្រូវបានផ្សព្វផ្សាយលើបណ្ដាញសង្គមនោះ ដូចស្ទើរទាំងស្រុងទៅនឹងវិញ្ញាសាចេញប្រឡងថ្នាក់ជាតិឆ្នាំ២០២៥។ កាលពីថ្ងៃទី២៩ ខែសីហា ឆ្នាំ២០២៥ មានការផ្សព្វផ្សាយនៅតាមបណ្ដាញសង្គមហ្វេសប៊ុកយ៉ាងផុលផុសករណីដែលថា មានការបែកធ្លាយវិញ្ញាសាប្រឡងសញ្ញាប័ត្រមធ្យមសិក្សាទុតិយភូមិឬបាក់ឌុប មុខវិជ្ជាគណិតវិទ្យាថ្នាក់វិទ្យាសាស្ត្រ។ ក្រុមពលរដ្ឋបានផុសលើបណ្ដាញសង្គមដោយបានភ្ជាប់មកជាមួយនឹងរូបថតវិញ្ញាសានោះផង។ ក្រុមគ្រូបង្រៀននិងមហាជន សុទ្ធតែទទូចឱ្យក្រសួងអប់រំចេញមុខបំភ្លឺករណីនេះ ដោយសារតែវិញ្ញាសាដែលបានបែកធ្លាយដូចគ្នាស្ទើតែទាំងស្រុងទៅនឹងវិញ្ញាសាដែលតម្រូវឱ្យប្រឡង។ មហាជនខ្លះបានផ្សាយថា មានករណីបង្រៀនគួរនៅយប់ថ្ងៃប្រឡងបាក់ឌុបតែម្ដង ដោយសំអាងលើរូបភាពម៉ោងពេល នៅក្នុងគ្រុបតេឡេក្រាម ដែលបានបែកធ្លាយ។ តាមរយៈលិខិតចុះថ្ងៃទី១ ខែកញ្ញា ឆ្នាំ២០២៥ អង្គភាពប្រឆាំងអំពើពុករលួយ(ACU) បានឱ្យដឹងថា វិញ្ញាសាប្រឡងគណិតវិទ្យាថ្នាក់វិទ្យាសាស្ត្រ ដែលអ្នកប្រើប្រាស់បណ្ដាញសង្គមបានផ្សព្វផ្សាយ ត្រូវបានរកឃើញថា វិញ្ញាសាទាំងនោះ ដូចទៅនឹងវិញ្ញាសាដែលចេញប្រឡងកាលពីថ្ងៃទី២៩ ខែសីហា ឆ្នាំ២០២៥។ លិខិតបន្ត៖ «អង្គភាពប្រឆាំងអំពើពុករលួយ បានធ្វើកោសលវិច័យ ហើយឃើញថា ឯកសារទាំងនេះ ពិតជាដូចនឹងវិញ្ញាសាប្រឡងគណិតវិទ្យាថ្នាក់វិទ្យាសាស្ត្រ ប្រឡងថ្ងៃទី ២៩/០៨-២០២៥ ម៉ោង ១៤:០០ – ១៦:០០ ប្រាកដមែន (ដូចពី ៨០% ទៅ ១០០%)»។ លិខិតដដែលបន្ថែម៖ «សូមស្នើដល់មហាជនទាំងអស់ កុំចាត់ទុកបុគ្គល ទាំង ៦ នាក់ដែលបានបង្ហោះព័ត៌មានដែលនិយាយថា ការបែកធ្លាយនូវវិញ្ញាសាគណិតវិទ្យា គឺជាអ្នកបំពុលសង្គម ព្រោះក្រុមការងារ អ.ប.ព បានទទួលព័ត៌មានទាំងនេះពីមិត្តភ័ក្របណ្តាញសង្គមទាំងនេះ។ ដូច្នេះក្រុមការងារ សូមបន្តការសហការណ៍ជាមួយមិត្តភ័ក្របណ្ដាញសង្គមទាំងអស់ដើម្បីអាចប្រមូលភ័ស្តុតាងបានគ្រប់ជ្រុងជ្រោយ»។ អ្នកនាំពាក្យអង្គភាពប្រឆាំងអំពើពុករលួយ(ACU) លោក សយ ច័ន្ទវិចិត្រ បានប្រាប់ប្រជាកាសែតថា រូបថតវិញ្ញាសាដែលបានផ្សាយលើបណ្ដាញសង្គម ពិតជាដូចនឹងវិញ្ញាសាដែលបានចេញប្រឡងពិតមែន ក៏ប៉ុន្តែគ្មានការបញ្ជាក់ណាមួយថាមានការផ្សព្វផ្សាយវិញ្ញាសានេះមុនថ្ងៃប្រឡងនោះទេ។ តែយ៉ាងណា លោក ច័ន្ទវិចិត្រ បញ្ជាក់ថា ACU កំពុងស្រាវជ្រាវបន្ថែមលើបញ្ហានេះ។ លោកថា៖ «យើងបានពិនិត្យឃើញថា មានវិញ្ញាសាមួយចំនួនដែលបង្ហោះនៅលើបណ្ដាញសង្គមនោះគឺមានទម្រង់ដូចគ្នា ទៅនឹងវិញ្ញាសាដែលដាក់ប្រឡង ប៉ុន្តែមិនមានកាលបរិច្ឆេទណាមួយដែលបញ្ជាក់ថា វិញ្ញាសាទាំងអស់នោះត្រូវបានបង្ហោះមុនការប្រឡងទេ[…]ហើយមកដល់ពេលនេះយើងនឹងព្យាយាមស្រាវជ្រាវបន្ថែមទៀត។ យើងក៏រង់ចាំទទួលនូវគ្រប់ព័ត៌មានទាំងអស់ដែលបងប្អូនបណ្ដាញសង្គមដែលគាត់អាចជួយ Share[ចែករំលែក]មកយើង»។ អ្នកនាំពាក្យអង្គភាពប្រឆាំងអំពើពុករលួយរូបនេះបន្ថែមថា ការបែកធ្លាយវិញ្ញាសាប្រឡងនេះ មានលទ្ធភាពអាចកើតឡើងបានក្នុងដំណាក់កាលចំនួន២ គឺក្នុងដំណាក់កាលថតចម្លងវិញ្ញាសាចែកចាយតាមមណ្ឌលប្រឡង និងក្នុងដំណាក់កាលប្រឡង និងក្រោយការប្រឡង។ លោកនិយាយថា៖ «ដំណាក់កាលដែលអាចមានការបែកធ្លាយ យើងអាចគិតថា ក្នុងដំណាក់កាលនៃការ copy ឯកសាររៀបចែកតាមមណ្ឌលប្រឡង ប៉ុន្តែអានេះគ្រាន់តែជាការគិតទេណា៎ អាហ្នឹងទី១។ ទី២ទៀត អាចវិញ្ញាសាហ្នឹងត្រូវបានថតហ្នឹងគឺនៅពេលដែលប្រឡងតែម្ដង ក្រោយពេលប្រឡងតែម្ដង អ៊ីចឹងហើយបានជានៅក្នុងរបាយការណ៍យើងបានបញ្ជាក់អំពីអ្នកដែលមានសិទ្ធិកាន់ទូរស័ព្ទគឺមានប្រធានមណ្ឌល ប្រធានអប្បមាទ ប្រធានគណៈមេប្រយោគ ប្រធានសន្តិសុខ មន្ត្រី អ.ប.ព. ហើយនិងអ្នកសង្កេតការណ៍របស់ អ.ប.ព.»។ ក៏ប៉ុន្តែលោក សយ ច័ន្ទវិចិត្រ អះអាងថារូបថតវិញ្ញាសាដែលបានបង្ហោះលើបណ្ដាញសង្គមនោះ មិនអាចថតដោយអ្នកសង្កេតការណ៍នោះទេ ដោយសារអ្នកទាំងនោះមិនអាចចូលទៅកាន់បន្ទប់ប្រឡងនោះឡើយ។ អ្នកស្រី ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា បានប្រាប់ថាក្រសួងអប់រំនិងអង្គភាពប្រឆាំងអំពើពុករលួយកំពុងធ្វើការងារស្រាវជ្រាវ ប៉ុន្តែអាជ្ញាធរជំនាញមិនទាន់រកឃើញភស្តុតាងណាមួយបញ្ជាក់ថាវិញ្ញាសាទាំងអស់ត្រូវបែកធ្លាយមុនការប្រឡងនោះទេ។ អ្នកស្រីថា៖ «អ្វីដែលយើងរកឃើញបឋមហ្នឹងគឺមានន័យថា វិញ្ញាសាដែលយើងបានឃើញនៅលើទំព័រហ្វេសប៊ុកទាំងអស់ហ្នឹង គឺជាវិញ្ញាសាដែលបង្ហោះចេញនៅក្រោយការប្រឡង អ៊ីចឹងហើយដំណើរការនេះ យើងនៅតែបន្តសិក្សាលំអិតបន្ថែមទៀតតាមរយៈធនធានដែលមាន ប៉ុន្តែរហូតមកដល់ពេលនេះមិនទាន់មានការបញ្ជាក់ណាមួយ បង្ហាញឱ្យឃើញថាជាការបែកធ្លាយវិញ្ញាសាមុនដំណាក់កាលនៃការប្រឡងនៅឡើយទេ»។ អ្នកស្រីបញ្ជាក់ថា អ្នកពាក់ព័ន្ធក្នុងករណីភាពមិនប្រក្រតីនេះនឹងត្រូវទទួលទោសទណ្ឌទៅតាមវិធានដែលបានចែង។ ជុំវិញករណីនេះ ប្រធានមជ្ឈមណ្ឌលប្រជាពលរដ្ឋដើម្បីអភិវឌ្ឍន៍ និងសន្តិភាព លោក យង់ គិមអេង ថាបើសិនជាក្រសួងអប់រំមិនបកស្រាយច្បាស់លាស់លើបញ្ហានេះទេ នោះបេក្ខជនប្រឡងដែលបានខិតខំរៀនសូត្រអាចបាក់ទឹកចិត្ត។ តែយ៉ាងណា លោកសំណូមពរដល់បេក្ខជនប្រឡងបាក់ឌុបឆ្នាំនេះ មានមទោនភាពចំពោះអ្វីដែលខ្លួនបានធ្វើ និងទុកបញ្ហានេះឱ្យក្រសួងដោះស្រាយ។ លោកថា៖ «សម្រាប់បេក្ខជនដែលបានប្រឡងហើយហ្នឹង ខ្ញុំថាទោះយ៉ាងណាយើងត្រូវតែមានមទោនភាពចំពោះអ្វីដែលយើងបានធ្វើ យើងត្រូវតែមានសង្ឃឹមការខិតខំប្រឹងប្រែងរបស់យើង ហើយម៉្យាងវិញទៀតគឺ រឿងបែកធ្លាយហ្នឹងយើងទុកលទ្ធភាពឱ្យក្រសួងគាត់ជាអ្នកស្រាវជ្រាវទៅ ហើយបើថាឯកសារនោះមានការបែកធ្លាយមែន នោះក្រសួងគួរតែគិតថាតើគួរធ្វើយ៉ាងម៉េច សម្រាប់អ្នកដែលគ្នាអត់ដឹងវិញ្ញាសាហ្នឹងវាអាចចាញ់ប្រៀបដែរ អ៊ីចឹងក្រសួងត្រូវតែគិតយ៉ាងម៉េចចំពោះគ្នាអត់ដឹងវិញ្ញាសា»។ ប្រធានសមាគមគ្រូបង្រៀនកម្ពុជាឯករាជ្យ អ្នកស្រី អ៊ុក ឆាយ៉ាវី ស្នើដល់ក្រសួងអប់រំ យុវជន និងកីឡា ព្រមទាំងអង្គភាពប្រឆាំងអំពើពុករលួយស្រាវជ្រាវករណីនេះ និងបកស្រាយទៅកាន់សាធារណៈជនឱ្យបានច្បាស់លាស់ ដើម្បីជៀសវាងការបាត់បង់ទំនុកចិត្តលើការប្រឡង។ អ្នកស្រីថា៖ «ប្រសិនបើឃើញបែកធ្លាយវិញ្ញាសា ក្រសួងអប់រំក៏ដូចជាអង្គភាពប្រឆាំងអំពើពុករលួយហ្នឹងត្រូវវែកញែករឿងហ្នឹងថាតើប្រភពចេញពីត្រង់ណា គួរតែតាមដានរឿងហ្នឹងដើម្បីកុំឱ្យមានការចោទប្រកាន់ បើថាមិនបែកធ្លាយហើយពួកគាត់រៀនសូត្របានទេ គួរតែបញ្ជាក់វិញបញ្ជាក់ប្រាប់វិញថា អញ្ចេះអញ្ចោះវិញអ៊ីចឹងទៅ កុំឱ្យប្រជាពលរដ្ឋអស់ជំនឿទាំងស្រុង»។ ការប្រឡងសញ្ញាប័ត្រមធ្យមសិក្សាទុតិយភូមិ ឬបាក់ឌុបបានប្រព្រឹត្តទៅកាលពីថ្ងៃទី២៨ និង២៩ ខែសីហា ឆ្នាំ២០២៥។ ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ២៨ សីហា ២០២៥ មានបេក្ខជនចុះឈ្មោះប្រឡងសរុបចំនួនជាង១៤ម៉ឺននាក់ (១៤៦ ៧២០នាក់) ក្នុងនោះមានស្ត្រីចំនួនជាង៨ម៉ឺន១ពាន់នាក់(៨១ ៤៤២នាក់)។ ចំណោមនោះមានបេក្ខជនថ្នាក់វិទ្យាសាស្ត្រចំនួនជាង៤ម៉ឺននាក់ (៤០ ៦៧៨ នាក់) ស្ត្រីចំនួនជាង២ម៉ឺន៤ពាន់នាក់ (២៤ ៥១៩ នាក់)។ បេក្ខជនថ្នាក់វិទ្យាសាស្ត្រសង្គមមានចំនួនជាង១០ម៉ឺននាក់ (១០៦ ០៤២នាក់) ស្ត្រីមានចំនួន៥ម៉ឺន៦ពាន់នាក់(៥៦…
តុលាការនឹងប្រកាសសាលក្រមលើសំណើសុំនៅក្រៅឃុំសកម្មជន២៣តុលាទាំង១០នាក់នៅសប្ដាហ៍ក្រោយ
សាលាដំបូងរាជធានីភ្នំពេញគ្រោងប្រកាសសាលក្រមលើសំណើសុំនៅក្រៅឃុំរបស់សកម្មជនសន្ធិសញ្ញាសន្តិភាពទីក្រុងបារីសចំនួន១០នាក់ នៅថ្ងៃទី០៣ខែកញ្ញា បន្ទាប់ពីតុលាការបានបើកសវនាមុនអង្គសេចក្ដី តាមសំណើរបស់មេធាវីចុងចោទ។ អ្នកទាំង១០នាក់នោះ ត្រូវជាប់ពន្ធនាគារអស់រយៈពេល១៣ខែមកហើយ។ អ្នកឃ្លាំមើលយល់ថាជា រយៈពេលឃុំខ្លួនបណ្ដោះអាសន្នរហូតដល់១៣ខែនេះ ធ្វើឱ្យប៉ះពាល់ធ្ងន់ធ្ងរដល់សិទ្ធិសេរីភាពរបស់ពួកគេ។ សាច់ញាតិជនជាប់ចោទទាំងនោះ ទទូចឱ្យតុលាការដោះលែងពួកគេឱ្យមានសេរីភាពវិញ។ មេធាវីការពាររឿងក្ដីនេះ ប្រាប់ថា អ្នកទាំង១០នាក់ដែលបានស្នើសុំនៅក្រៅឃុំ រួមមាន លោក ស៊្រុនស្រ៊ន ,កញ្ញា ភឹង សោភា , លោកសាន សិទ្ធ , អ្នកស្រីពៅ លីតា, អ្នកស្រី សែម សុផល, លោក ហោ សុខុន, លោក ធែល ធីលែន ,អ្នកស្រី ញិប សារ៉ុម ,លោក ឈឹន ចម្រុង និងលោក គឹម វឿន។ សហមេធាវីការពារក្ដីឱ្យសកម្មជនកិច្ចព្រមព្រៀងទីក្រុងប៉ារីសគឺលោក សឺន ជុំជួន បានថ្លែងប្រាប់ក្រុមអ្នកសារព័ត៌មានថា ដំបូងឡើយ សាលាដំបូងរាជធានីភ្នំពេញនៅព្រឹកថ្ងៃទី២៧ ខែសីហា ឆ្នាំ២០២៥ បានបើកសវនាការអង្គសេចក្ដីលើសំណុំរឿងរបស់សកម្មជនសន្ធិសញ្ញាសន្តិភាពទីក្រុងប៉ារីស ក្រោមបទ«ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម»។ ក្រោយមក តុលាការបានផ្អាកសវនាការអង្គសេចក្ដីនេះ និងបានបើកសវនាការមុនអង្គសេចក្ដី លើ សំណើសុំដោះលែងសកម្មជនទាំងនោះវិញ តាមការស្នើសុំពីសំណាក់មេធាវីពួកគេ ដោយលោកមេធាវីលើកឡើងថា សំណុំរឿងនេះអាចចំណាយពេលយូរ ខណៈកូនក្ដីលោកត្រូវបានឃុំខ្លួនជាងមួយឆ្នាំមកហើយ។ លោកថា៖ «តាមពិតជាសាវនាការអង្គសេចក្តី ប៉ុន្តែដោយសារតែយើងជាមេធាវីពិនិត្យឃើញថានិតិវិធីដែលយើងគប្បីថាស្នើសុំប្តឹងឱ្យដោះលែងនៅក្រៅឃុំជាបណ្តោះអាសន្នសិននៅពេលដែលយើងអង្គសេចក្តី។ ដូច្នេះជាការសម្រេចរបស់តុលាការ គឺតុលាការគាត់អនុញ្ញតឱ្យយើង ទទួលយកពាក្យបណ្តឹងរបស់យើងប៉ុន្តែបណ្តឹងផ្ទាល់មាត់ទេណ៎ា ដើម្បីធ្វើការពិភាក្សាដែញដោលទាក់ទងនឹងការស្នើសុំឱ្យនៅក្រៅឃុំ ប៉ុន្តែពាក់ព័ន្ធទៅនឹងការស្នើសុំឱ្យនៅក្រៅឃុំនេះ គឺជាសវនាការហៅថាមុនអង្គសេចក្តី។ មុនចូលសវនាការអង្គសេចក្តីគឺតុលាការគាត់បានដំណើរការនិតិវិធីអង្គសេចក្តីជាទំនៀមបឋមសិន ដោយលើកឡើងអំពីសាវតាហើយនិងអង្គហេតុរបស់ជនជាប់ចោទ ហើយបានបិទសវនាការអង្គសេចក្តីហ្នឹង បានចូលសវនាការមុនអង្គសេចក្តី»។ លោក សឺន ជុំជួន ឱ្យដឹងថា សវនាការសើសំណើសុំនៅក្រៅឃុំនេះ បានប្រព្រឹត្តទៅប្រមាណ២ម៉ោងកន្លះ គឺពីម៉ោង៩ ដល់ម៉ោង១១កន្លះព្រឹកថ្ងៃទី២៧ ខែសីហា ហើយតុលាការនឹងប្រកាសសាលក្រមករណីនេះនៅថ្ងៃទី៣ ខែសីហា ឆ្នាំ២០២៥។ លោក សឺន ជុំជួន សង្ឃឹមថាតុលាការនឹងដោះលែងកូនក្ដីលោកឱ្យនៅក្រៅឃុំ។ លោកបន្ថែមថា៖ «តាមធម្មតាយើងសិក្សាទៅលើនីតិវិធីយើងខ្ញុំជាមេធាវីតែងតែមានទៅសង្ឃឹមថាតុលាការនឹងពិចារណាដើម្បីឱ្យពួកគាត់បាននៅក្រៅឃុំដោយសារ ហេតុផលដែលយើងលើកមានន័យថា ហេតុផលជាច្រើន ទាក់ទងទៅនឹងធមធានសង្គមផង ពាក់ព័ន្ធទៅនឹងសេដ្ឋកិច្ចគ្រួសាររបស់គាត់[…]បញ្ហាជាច្រើនទៀតដែលជាហេតុផលមួយដែលតុលាការគម្បីពិចារណា»។ បងស្រីបង្កើតរបស់សកម្មជនកិច្ចព្រមព្រៀងសន្តិភាពទីក្រុងប៉ារីស កញ្ញា ភឹង សោភា គឺកញ្ញា ភឹង សោភ័ណ បានប្រាប់ថា ការបន្តឃុំខ្លួនសកម្មជនទាំងនោះរួមទាំងប្អូនស្រីគាត់ផង បានធ្វើឱ្យប៉ះពាល់សិទ្ធិរបស់ពួកគាត់និងបានបង្កឱ្យមានការលំបាកផ្នែកជីវភាពជាច្រើន។ កញ្ញាថា៖ «រយៈពេលនៃការអូសបន្លាយនេះគឺវាប៉ះពាល់ទៅដល់សិទ្ធិរបស់ជនជាប់ចោទ ទី២គឺប៉ះពាល់ទៅដល់ជីវភាពធ្ងន់ធ្ងរទាំងបងស្រ៊នមានកូនតូចៗក្នុងបន្ទុក ទាំងបងសាន សិទ្ធិ មានកូនតូចៗ៦នាក់នៅក្នុងបន្ទុក ទាំងសោភាដែលមានឪពុកម្តាយចាស់ជរានៅក្នុងបន្ទុក ចឹងហេតុផលទាំងអស់នេះវាប៉ះពាល់ដល់ជីវភាពធ្ងន់ធ្ងរសម្រាប់ក្រុមគ្រួសារ ពិសេសគឺបញ្ហាផ្លូវចិត្តនិងអារម្មណ៍ធ្លាក់ចុះនានា។ ម៉្យាងវិញទៀត ក្រុមគ្រួសារនីមួយៗត្រូវចំណាយទាំងអស់ ទៅលើការសួរសុខទុក្ខ ហើយនិងផ្គត់ផ្គង់ទៅអ្នកជាប់នៅខាងក្នុង»។ ជាមួយគ្នានេះ កញ្ញា ភឹង សោភ័ណ អំពាវនាវឱ្យតុលាការនឹងពិចារណាឱ្យសកម្មជនទាំងអស់បាននៅក្រៅឃុំ ដើម្បីឱ្យពួកគេបានជួយសង្គម និងសហគមន៍។ «ជាក្ដីសង្ឃឹម ហើយនិងជាសំណូមពរគឺសុំឱ្យលោកតុលាការពិចារណាទៅលើចំណុចដែលបានកត់សម្គាល់ ទាំងផលលំបាកទាំងកិច្ចការងារល្អៗដែលភឹង សោភា ស្រ៊ុន ស្រ៊ន និង សាន សិទ្ធិ គាត់ប្រឹងប្រែងធ្វើក្នុងរយៈពេល ៥-៦ ឆ្នាំនេះ ដោយអប់រំផ្សព្វផ្សាយអំពីច្បាប់ អ៊ីចឹងពួកគាត់បានបញ្ជាក់ហើយៗថាគាត់គ្រាន់តែចង់នៅខាងក្រៅឃុំដើម្បីបន្តការងារសង្គម បន្តការងារជួយសហគមន៍»។ ចំណែកឯភរិយារបស់សកម្មជនមួយរូបទៀតលោក សាន សិទ្ធិ គឺអ្នកស្រី ស្វាយ ពៅ ថាតាំងពីលោក សាន សិទ្ធិ ជាប់ឃុំមក អ្នកស្រីត្រូវរ៉ាប់រងគ្រប់យ៉ាងក្នុងគ្រួសារដែលមានសមាជិកក្នុងបន្ទុក៦នាក់ ហើយអ្នកស្រីមានការលំបាកក្នុងការមើលថែគ្រួសារតែម្នាក់ឯង ព្រោះមានជំងឺប្រចាំកាយ។ អ្នកស្រីថា៖ «លំបាកច្រើន កូន៤-៥នាក់ ហើយដូចជាដឹងស្រាប់ហើយស្រុកយើងនេះខាងធនាគារ ខាងកូនរៀនផង ទឹកភ្លើងគ្រប់មុខធ្លាប់បន្ទុកមកលើខ្ញុំម្នាក់ឯងអត់ពីស្វាមីទៅ បើមានគាត់ទៅចេះតែជួយយើងទប់លិចទប់កើតទៅវាធូរ»។ អ្នកស្រី ស្វាយ ពៅ បន្ថែមថា៖ «ចង់ឱ្យថា តុលាការមានការពិចារណាទម្លាក់បទចោទគាត់ ហើយមើលទៅប៉ាវា មើលទៅសុខភាពគាត់ទ្រុឌទ្រោមខ្លាំងណាស់ មើលថ្ងៃនេះស្គមក៏ស្គម ព្រោះអីគាត់មានជំងឺត្រអកទីមួយអាជំងឺគាត់យូរហើយ។ ទី២ត្រចៀកគាត់នេះធ្លាប់មានការវះកាត់។ កាលមុនស្តាប់បាន៥០/៥០ ដល់ពេលឥឡូវនេះគាត់ថាស្តាប់បានតែ៣០ទេហើយស្គមឡើងជ្រួញឡើងស្លេកធម្មតាវាជាប់នេះវាចង្អៀតដេកពួនអីក៏ពិបាកអ៊ីចឹងទៅណ៎ា»។ មន្ត្រីស៊ើបអង្កេតជាន់ខ្ពស់នៃសមាគមការពារសិទ្ធិមនុស្សអាដហុក លោក យី សុខសាន្ត ដែលបានចូលស្ដាប់សវនាការព្រឹកនេះ កត់សម្គាល់ថា រយៈពេលនៃការឃុំខ្លួនសកម្មជនសន្ធិសញ្ញាសន្តិភាពទីក្រុងប៉ារីស គឺបានហួសរយៈពេលឃុំខ្លួន។ លោកនិយាយថា៖ «ដោយសារតែនីតិវិធីនៃការឃុំខ្លួនគាត់ហ្នឹងវាលើសច្រើនពេក ឧទាហរណ៍ថានៅក្នុងច្បាប់កាត់ទោសឱ្យជាប់ពន្ធនាគារពី ៦ខែ ទៅ២ឆ្នាំ ហើយមកដល់សព្វថ្ងៃនេះ គឺឃុំគាត់ជាងមួយឆ្នាំហើយ ១៣ខែហើយមិនទាន់បានកាត់ក្ដី ។ ដូច្នេះថ្ងៃនេះគេយកសំណុំរឿងទាំង៥នេះ អ្នកដែលជាប់ពាក់ព័ន្ធស្នើសុំនៅក្រៅឃុំហ្នឹង គេបើកសវនាការរឿងមុនអង្គសេចក្ដី គឺសុំនៅក្រៅឃុំ។ ករណីនេះ លោក យី…
តុលាការបដិសេធសំណើសុំនៅក្រៅឃុំសកម្មជនកិច្ចព្រមព្រៀងសន្តិភាពក្រុងប៉ារីសចំនួន១០នាក់
សាលាដំបូងរាជធានីភ្នំពេញបានប្រកាសសាលក្រមបដិសេធសំណើសុំនៅក្រៅឃុំរបស់សកម្មជនកិច្ចព្រមព្រៀងសន្តិភាពក្រុងប៉ារីសចំនួន១០នាក់ ដោយមិនដឹងហេតុសំអាង។នេះបើតាមការបញ្ជាក់របស់មេធាវីជនជាប់ចោទនិងសមាជិកក្រុមគ្រួសារដែលទៅស្ដាប់ផ្ទាល់ក្នុងសវនាការ។ មេធាវីការពារជនជាប់ចោទថាការសម្រេចនេះធ្វើឱ្យប៉ះពាល់សិទ្ធិជនត្រូវចោទ ព្រោះអ្នកទាំងនោះបានជាប់ឃុំលើសពេលកំណត់។ ការសម្រេចនេះធ្វើឡើងក្រោយពីសាលាដំបូងរាជធានីភ្នំពេញបានបើកសវនាការមុនអង្គសេចក្ដីកាលពីថ្ងៃទី២៧ ខែសីហា ឆ្នាំ២០២៥ លើសំណើសុំនៅក្រៅឃុំរបស់សកម្មជនកិច្ចព្រមព្រៀងសន្តិភាពក្រុងប៉ារីសចំនួន១០នាក់ រួមមាន លោក ស៊្រុនស្រ៊ន ,កញ្ញា ភឹង សោភា , លោក សាន សិទ្ធ , អ្នកស្រី ពៅ លីតា, អ្នកស្រី សែម សុផល, លោក ហោ សុខុន, លោក ធែល ធីលែន, អ្នកស្រី ញិប សារ៉ុម, លោក ឈឹន ចម្រុង និងលោក គឹម វឿន។ សកម្មជនទាំងនោះកំពុងរងបទចោទ «ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម»។ សហមេធាវីការពារក្ដីឱ្យសកម្មជនកិច្ចព្រមព្រៀងសន្តិភាពក្រុងប៉ារីសគឺលោក សឺន ជុំជួន បានថ្លែងប្រាប់ក្រុមអ្នកសារព័ត៌មានបន្ទាប់ពីលោកចេញពីសវនាការថា សាលាដំបូងរាជធានីភ្នំពេញនៅព្រឹកថ្ងៃទី៣ ខែកញ្ញា ឆ្នាំ២០២៥ បានបដិសេធសំណើសុំនៅក្រៅឃុំរបស់កូនក្ដីលោក ក៏ប៉ុន្តែតុលាការមិនបានបញ្ជាក់ពីមូលហេតុក្រោយការសម្រេចនេះឡើយ ព្រោះតែពេលវេលាមិនអំណោយផល។ លោកថា៖ «លទ្ធផលសវនាការមុនអង្គសេចក្ដី ថ្ងៃនេះប្រកាសលទ្ធផលគឺតុលាការបដិសេធ តុលាការបដិសេធមិនព្រមឱ្យនៅក្រៅឃុំទេ ប៉ុន្តែការប្រកាសហេតុ មិនបានលើកឡើងអំពីការសំអាងហេតុអ្វីទេ ដោយសារតែពេលវេលា»។ លោក សឺន ជុំជួន ថាការសម្រេចបន្តឃុំខ្លួនសកម្មជនទាំងនោះបានធ្វើឱ្យប៉ះពាល់សិទ្ធិរបស់ពួកគេ ព្រោះការឃុំខ្លួននេះបានលើសរយៈពេលកំណត់។ លោកបន្ថែមថា៖ «យើងនៅតែចាត់ទុកថាជាការប៉ះពាល់ទៅលើសិទ្ធិនៃការឃុំខ្លួនហ្នឹងណា៎ យើងគិតថេរវេលាមកដល់ពេលនេះគឺការឃុំខ្លួនមានរហូតទៅដល់ជាងមួយឆ្នាំទៅហើយ ហើយដែលតុលាការគប្បីពិចារណាកន្លែងនេះដើម្បីផ្ដល់ឱ្យពូកគាត់ហ្នឹងមានសេរីភាព […]ក្នុងនាមជាមេធាវី យើងមិនអាចទទួលយកបានទេ ហើយចាំយើងពិភាក្សាជាមួយសហមេធាវីការពារក្ដីហ្នឹង ហើយជាមួយជនជាប់ចោទហ្នឹងទៅ គួរមាននីតិវិធីបែបណាទៀត យើងមិនទាន់ដឹងថាយើងគួរបន្តបែបណានោះទេ»។ លោកមេធាវីឱ្យដឹងថា តុលាការបានបើកសវនាការអង្គសេចក្ដីលើសំណុំរឿងទី១ ដែលមានលោក ស៊្រុន ស៊្រន កញ្ញា ភឹង សោភា និងលោក សាន សិទ្ធ តែបានសួរដេញដោលលោក ស៊្រុន ស៊្រន ម្នាក់គត់។ បន្ទាប់មកទើបតុលាការបានប្រកាសលទ្ធផលសំណើសុំនៅក្រៅឃុំដែលបានស្នើកាលពីថ្ងៃទី២៧ ខែសីហា។ បងស្រីបង្កើតរបស់សកម្មជនកិច្ចព្រមព្រៀងសន្តិភាពក្រុងប៉ារីស កញ្ញា ភឹង សោភា គឺកញ្ញា ភឹង សោភ័ណ បានប្រាប់ថា កញ្ញាមានការសោកស្ដាយដែលតុលាការបន្តឃុំខ្លួនប្អូនស្រីគាត់ និងសកម្មជនឯទៀត ព្រោះការបន្តឃុំខ្លួននេះបានធ្វើឱ្យប៉ះពាល់ជីវភាពគ្រួសារពួកគាត់ និងបានផ្ទុយពីច្បាប់នៃការឃុំខ្លួនជនត្រូវចោទ។ កញ្ញាថា៖ «ទី១គឺប៉ះពាល់ធ្ងន់ធ្ងរដល់ស្ថានភាពជាក់ស្ដែងរបស់ សោភា របស់បង ស្រ៊ន ហើយនិងរបស់បងសាន សិទ្ធ ដែលគាត់ត្រូវទទួលបន្ទុក។ អ៊ីចឹងខ្ញុំគិតថា ទី១ការអប់រំកូន ផ្លូវចិត្តរបស់កូនៗ ផ្លូវចិត្តរបស់ឪពុកម្ដាយចាស់ជរាគឺបន្តមានផលលំបាក។ ទី២គឺពាក់ព័ន្ធជាមួយនឹងការបន្តរក្សាជនដែលត្រូវចោទហ្នឹងគឺវាហួសនីតិវិធី គាត់ត្រូវបានឃុំរហូតដល់ទៅ១៣ខែជាងហើយ[…]វាលើសពាក់កណ្ដាលនៃការអនុវត្តន៍»។ ចំណែកឯប្អូនស្រីបង្កើតរបស់លោក ស្រ៊ុន ស្រ៊ន គឺអ្នកស្រី ស្រ៊ុន សុខហ៊ាង ក៏មានការសោកស្ដាយដែលសាលាដំបូងរាជធានីភ្នំពេញបានដិសេធសំណើសុំនៅក្រៅឃុំរបស់បងប្រុសគាត់ ហើយអ្នកស្រីស្នើសុំតុលាការពិចារណាដោះលែងលោក ស្រ៊ុន ស្រ៊ន ឱ្យនៅក្រៅឃុំ។ អ្នកស្រីថា៖ «សម្រាប់ខ្ញុំជាក្រុមគ្រួសារមិនមានអ្វីច្រើនទេគ្រាន់តែស្នើសុំឱ្យតុលាការពិចារណានៃការឃាត់ខ្លួនរបស់គាត់ សុំឱ្យគាត់សម្រេចទៅឱ្យនៅក្រៅឃុំតាមការស្នើសុំរបស់ក្រុមគ្រួសារ ហើយហ្នឹងក៏ជាសិទ្ធិរបស់គាត់ដែរ[…]វាជាការសោកស្ដាយហើយ ដោយសារតាមអង្គនីតិវិធីវាគួរតែគាត់ត្រូវនៅក្រៅឃុំយូរណាស់ហើយ ឥឡូវក្នុងការឃុំខ្លួនគាត់គឺ១ឆ្នាំ១ខែ៧ថ្ងៃហើយ»។ ជុំវិញករណីនេះ មន្រ្តីអង្កេតជាន់ខ្ពស់ នៃសមាគមន៍ការពារសិទ្ធិមនុស្ស និងអភិវឌ្ឍន៍នៅកម្ពុជា ហៅកាត់ថា អាដហុក (ADHOC) លោក យី សុខសាន្ត បានប្រាប់ប្រជាកាសែតថា ការបន្តឃុំខ្លួនសកម្មជនកិច្ចព្រមព្រៀងសន្តិភាពក្រុងប៉ារីសគឺលើសរយៈពេលដែលច្បាប់កំណត់។ លោកថារដ្ឋាភិបាល និងតុលាការគួរដោះលែងសកម្មជនទាំងនោះឱ្យមានសេរីភាពវិញ កុំឱ្យមានមតិជាតិ និងអន្តរជាតិរិះគន់ករណីនេះ។ លោកថា៖ «តុលាការហាក់សន្មត់ថាគាត់មានទោសដែលយើងមកដល់ថ្ងៃនេះអត់ទាន់បើកសវនាការផង ឃុំគាត់រហូតដល់លើសនីតិវិធីនៃការឃុំខ្លួនដែលគេកំណត់ថា៤ខែម្ដង ឬមួយក៏៦ខែម្ដង ដល់ពេលគាត់ឃុំជាងមួយឆ្នាំហើយវាស្មើនឹងជាង៥០ភាគរយហើយ ដូច្នេះគួរតែដោះលែងឱ្យគាត់នៅក្រៅឃុំទៅ»។ លោក យី សុខសាន្ត បន្ថែម៖ «គួរតែឈប់ធ្វើទុក្ខបុកម្នេញដល់ប្រជាពលរដ្ឋដែលធ្វើការងារសង្គម ហើយម៉្យាងទៀតបច្ចុប្បន្នយើងត្រូវការ គេហៅថាជាតិសាសន៍និយម ហើយពាក្យថាជាតិសាសន៍និយមហ្នឹងវាគួរតែលើកទឹកចិត្តដល់ប្រជាពលរដ្ឋដែលគាត់ធ្វើដើម្បីជាតិសាសន៍របស់គាត់ ជាពិសេសអ្នកដែលធ្វើការងារសង្គមដូចជា២៣តុលា គឺគាត់ធ្វើការងារសង្គមជួយរដ្ឋាភិបាលដែរ»។ កាលពីថ្ងៃទី២៣ ខែកក្កដា ឆ្នាំ២០២៤ សមត្ថកិច្ចបានចាប់ខ្លួនលោក ស៊្រុន ស្រ៊ន កញ្ញា ភឹង សោភា និងលោក សាន សិទ្ធិ ក្រោយពីពួកគាត់លើកឡើងពីគុណសម្បត្តិ និងគុណវិបត្តិ នៃការបង្កើតតំបន់ត្រីកោណអភិវឌ្ឍន៍កម្ពុជា ឡាវ វៀតណាម ហៅកាត់ថា CLV តាមរយៈវីដេអូលើបញ្ដាញសង្គម។ សុំណុំរឿងក្រោមចោទពីបទ «ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម» ទាក់ទងនឹងការអធិប្បាយនានាពី CLV មានអ្នកពាក់ព័ន្ធសរុបចំនួន ៣៧នាក់កាលពីដំបូង តែក្រោយមកសំណុំរឿងនេះត្រូវបានតុលាការបំបែកជា៥ សំណុំរឿង ហើយក្រោយមកទៀតបានបំបែកជាចេញជា ៣សំណុំរឿងទៀត ដោយក្នុងសំណុំរឿងទី១មានលោក ស៊្រុន ស៊្រន កញ្ញា…
